Hard Work gets talent recognised

James Perry

E whakarite ana te kapa takiwhitu mo ngā wāhine i raro i te tekau mā waru tau te pakeke mo te whakataetae whiringa uru mo ngā taumahekeheke o te ao rangatahi ka tu hei tēnei tau.  Nā te whakaheke tōtā mo te hemo tonu atu kua tiro taiwhenua atu ngā kaiwhiriwhiri o Aotearoa

Koirā te whakapae o ētahi o ngā tamāhine kua whai wāhi atu ki te kapa takiwhitu mō ngā wāhine i raro i te tekau mā waru tau te pakeke. Pēnei kia Azalleyah Maaka nō te Tai Rāwhiti. Hei tāna, ehara i te mea me noho tāone matua e uru ai te tangata ki ngā tima matua. Ko te mea kē, me manawanui atu ki ngā mahi.


He whakaaro e tārua ana e Iritana Hohaia, nō Opunake i Taranaki. Ka mutu, mā te pēra ka whakahihi pai te hāpori i ngā mahi. E noho whakahihi ana tāna whānau kua whakanui āna mahi māia e ngā kaiako o te tīma o Aotearoa.


Ko te whāinga matua o ngā tokorua nei kia whai wāhi atu ki ngā mamaku takiwhitu mo ngā Taumāhekeheke o te Ao pakeke i roto i ngā tau kei te heke mai. Me te mea hoki, ki te whakahoki i ētahi mētara kōura ki ngā hāpori, kāore e kore ka hūrō katoa ngā iwi.