He $2miriona ka tohaina e Tūhoe ki āna ratonga hauora

I a Tuhoe e whakarite ana mo te whakatūwheratanga o to rātou whare hou ki Tāneatua.

Kei te whakarite hoki mō te whakatūwheratanga o tētahi o ngā whare takuta, tiro niho ki tētahi o ngā whare o mua o Te Uru Taumatua ki Tāneatua.

Rua miriona tāra kua whangaihia e Tuhoe ki roto i te kaupapa whakatū whare takuta ko te whare tuatahi kei Tāneatua, a, ka huri hāere ki ngā wharua o Tuhoe.

He nui tonu ngā whanaketanga mō ngā kaupapa hauora, mātauranga me ngā kaupapa toko i te ora kua rere ki roto o Tuhoe.

Heoi ko ngā kōrero e whakahoki ana ki Te Uru Taumatua mai i ngā māngai o te iwi, ko te hauora tētahi take nui.

Ka whakatuhia te whare takuta tuatahi ki konei hei te mārama o Paengawhawha, hei muri i ngā whakanuitanga o te whare hou.