Nā te korenga o tētahi whakataetae rīki i Te Taitokerau, i tahuri ai te aro o ētahi kōhine ki patu i te huarahi, e rua haora te roa i ia wiki, ki te tākaro mā te kapa kōhine Raiders o Whangaparaoa tamariki iho i te tekau mā wha tau te pakeke i te whakataetae o Tāmaki. Ko te otinga ki a rātou, ko te whai wāhi a te kapa ki te whiringa toa o te whakataetae, i tū ki Manurewa i te mutunga wiki nei, ā, he toahanga te hua ki runga ake o te hoariri nō Manukau Rovers.
Koni atu i ngā marama e ono ēnei kōhine tekau mā whitu nō Te Taitokerau e haere atu ana ki Tāmaki kia whai wāhi ki te kapa Raiders.
E ai ki te kaiwhakahaere o te kapa, ki a Aika Slade-Te Rito, mate kāinga tahi, ka ora kāinga rua.
"They all started from the Māori competition last year. They were a part of the Ngāpuhi Ahi team, and they wanted to carry on playing. We have a really good relationship with the Hibiscus Coast Raiders and we found a home for them there this year."
Ko te hua nui o te haere tawhiti, o te whakangungu maha
Inā te roa o ngā wiki 24
Ā, hei tāna he nui ake tēnei i te hākinakina rīki.
"It's been a long 24 weeks for us, with all the training, with all the girls coming around from Northland, from Kerikeri, Dargaville, Moerewa, all meeting at Whangarei."
"We've actually had comments from one of our girls that this game actually saved their life, especially given what's happening to our rangatahi all over the country."
I te tākaro whiringa toa, i raro ngā kōhine e putu ana i te wehenga rua, ā, i ngā toenga miniti e rima, e rua ngā piro karapīpiti i tutuki, nā Te Maia Davison te piro toa, kia tekau mā rua ki te tekau ngā tatauranga whakamutunga ki ngā Raiders.
Ko Huhana Lyndon tētahi o ngā mātua, nā rātou ko ngā kaitaunaki, ko ngā kaiako hoki i mahi nui kia whai wāhi ai ngā kōhine ki te tākaro i ia wiki. I tīmata rātou ki te mahi moni i te Hānuere hei utu waka rīhi, penehīni hoki.
Hei tāna, ahakoa te tawhiti me te pakeke o te haere, he nui ngā painga o te whakataetae i Tāmaki.
"There are benefits to coming to play in Auckland because the competition is a lot bigger. This is the biggest competition in the country."