He haerenga Māori ki Itāria me Pāniora

Ko te kapa haka o Ngā Uri a Te Wai-a-Taiki ēra i tū whakahīhī ki mua i o rātou whānau i tēnei wiki ki te whakaatu i ngā taonga Māori ka kawea e rātou ki ētahi Ahurei Iwi Taketake kei ngā whenua o Itāria me Pāniora.

He haerenga tino mīharo tēnei mō te nuinga o te kapa kua roa nei e whakangungu ana nā te mea te tuatahi mō rātou ki te tipi haere i te ao whānui.

Tua atu i te reo Māori, ngā tikanga Māori me ngā mahi waiata, hakahaka anō, ka whakaatuhia e te kapa tērā ētahi atu iwi taketake me a rātou tikanga ka kapohia ake e tēnei tira haere.