Whakatōpu ana ngā karangatanga maha nō roto o te Whare Tapu o Ngāpuhi, nō iwi ke, nō rohe kē anō hoki, ki te tuku i te reo pohiri ki ngā māngai o te Karauna i whakaeke ake ki te pā o Ruapekapeka.
Ngāpuhi te rā hei whakanui i te pakanga whakamutunga i tū ki te tokerau, i whai wāhi anō ngā iwi maha nō ngā rohe puta noa i te motu i pākia e te tauā o te Karauna, ki te tuku anō i te wero, kia homai he rā hei whakanui ngā pakanga i mate ai ngā tūpuna.
Pekapeka mai ana nga toa taua nei i nga rua o Ruapekapeka.
Ko tenei te ra whakamahara i te mutunga mai o nga Pakanga Whenua o te raki, he kotahi rau whitu tekau tau ki muri. Ko Te Pakanga o Ruapekapeka te pakanga whakamutunga. Hei ta te kaiarahi Haka tā Akeni Tai Tin, ko nga haka o te ra nei, nga haka i hakaina mai e Ngapuhi i te mura o te ahi.
I pakanga atu a Ngapuhi ki te Karauna, kia kaua rawa to ratou mana motuhake e riro ki te kahu o te Kuini o Ingarangi. Na te toa nā Te Ruki Kawiti tenei pa i hanga, kia kaupare atu ai nga hāmanu o nga hoia a e Karauna, ā, e kitea tonutia ana nga riwha ki te whenua nei.
I whai wahi mai hoki ko etahi no Waikato, no Tuhoe, no Tauranga Moana hoki ki nga kawenga o te ra, ki te tautoko hoki i te kaupapa kia whakatungia mai he ra motuhake, hei whakamaumahara i nga pakanga whenua puta noa, penei i te Pakanga o Ruapekapeka.
Kua uru atu a Ruapekapeka ki tetahi kereme whenua. A, hakoa kahore ano a Ngapuhi kia whakatatu I a ratou kereme tiriti me te karauna, hei ta Henare, ara tonu nga akoranga kei roto i te ra maumahara I te pakanga o Ruapekapeka.
