Kua tū anō te ringa o te uri o Te Kapotai, o Willow-Jean Prime, kia tū ai hei kanohi mā Reipa ki te rohe pōti auraki o Te Tai Tokerau.
Kua wātea te tūru nei nā runga i te hekenga o te mema o Nāhinara, o Mike Sabin, nā konā ka whakahaerehia he kōwhiringa motuhake ki te rohe ā ngā rā nei.
Hei tā Prime, “E tū ana ahau nā te mea me whai reo kaha a Northland i roto i te Whare Pāremata e whakapono ana ko ahau te tangata pai mō tēnā, kei ahau ngā pukenga hoki.”
Katahi ano kua tae mai a Prime me tana hoa rangatira, a Dion, ki te kainga whai muri i te whanautanga mai o ta rāua tamahine, a Hihana, he huarahi uaua ki tua.
Hei tā Prime, “Āe, tērā ngā wero mō mātou te whānau o tēnei pēpi engari mā te tautoko o tōku hoa tāne me tōku whānau hoki e mōhio ana au ka taea ēnei mahi, ehara taku toa i te toa takitahi engari he toa takitini.”
Kāore anō kua puta te rā mō te kōwhiringa motuhake, heoi ko tōna aronga mō tēnei ko te whāngai i te kaitautoko hou mo tona rōpū āwhina.
