He hikoi hei whakaara ake i te tautoko mo te mate whatukuhu

No ngā rā nei i wehe mai a Ros Cole-Baker i Te Reinga i runga i tana hikoi takitahi e tono ana ki te iwi whānui kia takoha mai o rātou whatukuhu hei oranga hoki mo ngā tāngata turoro.  Me te rongo a Te Kaea, e hia kē ngā tāngata kua whakapā atu ki a ia ki te tuku i o rātou anō whatukuhu.

E rongo ana a te tinana a Ros Cole- Baker i te mamae o te haereroa mā raro mā runga pahikara anō hoki engari i a ia te rongopai i tana taenga mai ki Whangarei.

He kaupapa miharo hoki ki ngā tini matua kei te peka mate whatukuhu o Whangarei.   E hia kē ngā tau ētahi e takotokoto ana ki konei ko te mīhini horoi toto hei hoa mā rātou.

Kua pau te tau no te whakawhitinga i te whatukuhu o Ros ki tōna tane a Hugh me to raua ngākaunui ki te aru i tēnei kaupapa hei painga mo te maha o ngā tāngata mate whatukuhu.

Ko te wawata kia maha ake ngā iwi ka huri i te tautoko i tēnei hīkoi a Ros i te motu.