Hei te wiki nei tū ai he hīkoi ki Whakatāne hei tautoko ake i te whakatūnga mai o ngā tūru māori ki te kaunihera a rohe.
Ko te matū o te hīkoi, he tuku i te karanga kia whakakorea te ture e tukua ana mā te whakataunga pōti ā iwi anahe te whakatūnga o ngā tūru Māori ki ngā kaunihera a rohe e whakamana.
Ko te koromatua o mua o Ngāmotu, ko Andrew Judd tērā ka ārahi i te kaupapa ka tīmata ki te pokapū o te tāone, kātahi ka ahu atu ki te kaunihera a rohe o Whakatāne.
