He hokinga motuhake mai a tētahi whetū rīki Māori ki te wā kāinga

Ā te pō nei toro atu ai ngā karapū NRL katoa ki ngā hapori huri noa i Tamaki Makaurau. 

Tērā ia ka whakatupu mai ko te wairua ngahau ki te whaitua nui o te motu i mua i te whakataetae takiiwa hei ēnei rangi whakatā. Heoi anō mō tētahi whetū riiki Māori, he hanga rerekē anō tōna hokinga mai ki te wā kāinga.

He āhua rerekē te taenga mai o Adam Blair ki Tāmaki i te rā nei.

Ki runga kaipuke kōkiri mai ai te whānau Blair mai anō i Ahitereiria.

Kua whā rā te roa o te taenga mai i Ahitereiria, nō te rā nei ū mai ai ki ō tātou oneone tapu. Inā rā, he hororei, he whakarite mō te whakataetae takiiwa i te wā kotahi.

Āe mārika nō ngā kaimātakitaki State of O te māngari nui, ko ngā kapa e rua kei Ākarana i ēnei rangi whakatā.  He pōhirihanga ranginamu ki te kaupapa.

Whakawhiti atu ki Te Rakipaewhenua ko te kapa Knights e whakaharatau nei i tēnei rā.

Inā rā e kawea ana te wairua ngāhau ki te tātāwhāinga e whakapaetia ana ka waru tekau mano ngā kaimātakitaki ka tae atu.

He aheinga nō ngā kaitākaro Māori kia hoki mai ki te wā kāinga tākaro ai i mua i te aroaro o ō rātou whānau.

Ahakoa te momo i tae mai ai a Blair, e ū tonu ana te whāinga matua.

Kei te tapawhā o Aotea i Tāmaki Makaurau te rā whakanui i ngā kaimātakitaki āpōpō, inā rā, ka hia nei rau tāngata e whakapaetia nei.