He hōtaka whakahirahira i whakaaturia atu i te hui Toi Tangata

E mohio ana tātou katoa, ko te whakakotahi i te korikori tinana me te kai i ngā kai tika te mahere pai kia ora pai ai tātou, engari arā ētahi kaimahi hauora Māori e whai mātauranga hoki ana i ngā kai Māori me ngā whakaakoranga atua o nehe hei whakarite i ā rātou hōtaka hauora. I whakakotahihia ēnei kaimahi autāia, i te hui ā tau o Toi Tangata ki Orakei Marae i tēnei wiki, kia whakapuakitia ai ēnei whakaaro.

E whakahaerehia ana te hōtaka e kiia nei ko "He Pī Ka Rere" e Darrio Pene-tito-Hemara, he hōtaka hei whakawhanake i ngā pūkenga-ā-tinana ō ngā kōhungahunga, i raro i te maru o He Oranga Poutama ki Tāmaki Makaurau. I te ata nei i tukuna tēnei hōtaka ki ngā kaimahi hauora Māori.

He whakaaturanga nui a Harley Thompson mō te whai i te huarahi o te ora. E toru ngā whakataetae Iron Maori kua tutuki i a ia i ngā tau e toru, ā, ko ia tētahi o ngā manu tātaki o te hui i te rangi nei, e whakamārama ana i ngā whakapātari me ngā whakaaro ō ngā tāngata mōmona.

I a Harley e whai painga ana i tana oranga hōu, e kite hoki ana a Darrio i ngā hua o te kaupapa " He Pī Ka Rere" e whakatūria ana i ngā wāhi kōhungahunga Māori huri noa i a Tāmaki Makaurau.

Nā reira, he oranga tinana, he oranga wairua, he oranga reo hoki.