He hui nui tā Kumeu i a ngā kaitono e kaha whai pōti ana

I tata panaia a John Key i te hui tōrangapū i Kumeu inapō, ka mutu, ko ia anake te kaitono kāre i āta whai i ngā ture i whakatakotoria.

Nā ngā kaitautoko te taupatupatu i kōkiri.

Tūturu karekau ngā ture i whai wāhi ki waho o te whare.

I roto i te ringi mekemeke, ahakoa te mārō o ngā ture, wetiweti ana te whiu a Laila Harre.

Ahakoa te nui o te wāhi ki te mema o te rohe, arā te toa o te wā a John Key, tē aro i a ia ngā ture.

Ko tā Kelvin Davis he tuku mai, mai ano, i te rārangi kua tataungia wā Reipa kaupapa here hōu.

Tūturu ko ngā kaitono Māori o Te Tai Tokerau hoki i whai wāhi ki te hui nei.

Ko te ihu puku ko Te Hira Paenga e mea ana ka pū te ruha ka hao te rangatahi.

Ko tērā atu o ngā kaitono hou, ko Marama Davidson hoki, i te aruaru tautoko mōna kei te tūnga tekau mā rima o te rārangi Kākāriki.

Otirā, ko ngā tamariki rawakore anō te aro o Hone Harawira.  Hei tāna me aronga tuatahi kia whāngai i ngā tamariki.

Nā reira, arā ētahi i wehe marū mai i te rīngi, engari hei te roanga o te hīkoi tātou e kite ai ko wai ka oke ururoa mō te hemo tonu atu.