I te rangi nei i whakaokiokitia ai te kaiwhakaari, ringatohu, kaituhi hoki a Nancy Brunning ki te rua kōiwi o ōna mātua tīpuna. I te marae o Raukawa i Ōtaki whakamānawatia ai ia mō tōna āhua hei kaiārahi, hei hoa hoki.
He toa i tōna wā, he huia kaimanawa o te ao whakaari kua mū.
E hia kē nei ngā wā kua mahi tahi a Temuera Morrison ki a Brunning, ā e hotuhotu ana te manawa.
"He mea uaua ki te kimi i ngā kupu mō tēnei taonga e ngaro atu nei."
He hoa tata anō hoki a Tanea Heke. Hei tāna, "This is such a special day to acknowledge our mate who is a formidable wahine Māori in our industry."
He tipua a Brunning i runga i te atamira whakaari, i te pouaka whakaata, whitiata hoki. E auē ana te ao whakaari i tōna rironga atu.
"Kua tino pōhara te ao whakaari, te ao pāpāho, te ao kiriata, otirā te ao Māori " te kī a Ani-Piki Tuari, he kaiwhakaari i roto i te whakaari hōu nā Brunning, ko Witi's Wāhine.
"She almost single-handedly put together the Māori theatre community, there is not one person in our community that has not been touched by Nancy Brunning," te āpitinga kōrero a Heke.
"Kua ngaro te māreikura, kua ngaro te rangatira " te kōrero hoki a Mere Boynton, he kaiwhakaari matua anō i te whakaari Witi's Wāhine.
He rongonui hoki a Brunning mō tōna atamai, mō tōna ngākaunui ki te ao whakaari, ki te ao Māori anō hoki.
"He wahine hūmārie, he wahine tiaki, manaaki i ngā purapura i puāwai i tēnei wā," te kōrero a Morrison.
"Ko ia ka tū hei kaiako, hei pou mōku i te ao whakaari. I tino tutuki tētehi moemoea nui ōku i tērā noho tahi ki a ia" te kī a Tuari.
Ko te kaiwaiata nei, ko Tama Waipara tētahi i whai wāhi ki te mahi whakamutunga a Brunning.
Hei tāna, "He tino pūkenga ia ki tēnei mahi, hei horahia mai ki mua i a mātau ki waenganui i a tātau."
Ahakoa te auē a ōna hoa, e mōhio pū ana rātou, mā rātou tana ōhāki e pīkau.
"As sad and as pouri as today is. it’s also a day where my mate has put down her wero for us and it’s also the day that the rest of us step into that space," tā Heke kōrero.
"The hole will never be filled, but Nancy would expect us to carry on."
Heoi, ehara i te mea ka māmā noa te pīkau.
"We will never be able to reach those high lofty mountains that our sister did, but what is she would have inspired so many that even in spite of us those rangatahi will come through cause that's always what her focus was."
Ka maumahara te iti me te rahi i a Brunning mō āna mahi rongonui, mō tōna ngākau whiwhita me tana tū hei ranga wairua mā ngā whakareanga.