He kaporeihana Māori kua whakamanahia tētahi whakaaetanga pakihi me ētahi kaituku pūtea no Haina

Koira tētahi kaporeihana kei te puku o te ika kua waitohutia tētahi kirimana kia mahi ngātahi me tētahi tira pākihi nō Haina.

Mō te koni i te whitu tau te kaporeihana o Maraeroa C e whakatupu ana i ngā hua ginseng, Ā, i te haerenga mai o te taima kia hauhake i ngā hua, kua tae mai hoki ko tētahi kaupapa e āhei ai te tauhokohoko o te ao te tutuki mā tēnei hainatanga.

I te tau rua mano mā ono, i tupu marara ngā hua ginseng, ahakoa te uaua o te tupu mai ki ngā whenua maha.

Kātahi ka kitea e Maraeroa C o Te Kuiti i tētahi huarahi anga mua, nā whai anō te hono tahi me ētahi o ngā pākihi nui o Haina.

Ko te Ginseng tērā e kaha aruaru ana e te mākete o Ahia,

A, pēnā kua eke ki te kaumatuatanga o te rua tekau tau, ka uhia ko te rua tekau mano tāra hei utu mā te paiaka kotahi.

He tekau mā whā tau te roa, engari ki Aotearoa nei ka whitu tau noa iho te roa kia kaumatua tika te Genseng.

A tērā tau, hei te marama o Haratua ko te hauhake nui, Engari ā te wiki e tū mai nei ka rewaina e Maraeroa C ōnā taonga hoko,

Kia rite mai mō te hoko atu ki tāwāhi a te tau rua mano tekau mā ono.