He kino ngā whakapae kua whiua ki tētahi whare o CYF mō ngā taiohi

E whakapaetia ana, he kiriata mā ngā te hunga pakeke ake i te tekau mā waru tau i whakaaturia atu ki ngā tamariki kei tētahi whare tiaki rangatahi i te tonga o Tāmaki, kei raro i ngā whakahaere a Te Uehā Mātātahi. 

Kei a Darroch Ball, Mema Pāremata o Aotearoa Tuatahi ngā whakapae nui mō te mahi hē a te whare o Korowai Manaaki, me te aha, kei te kimi whakamārama ia i te kawanatanga.

Kapi ana ngā ngutu o te whare noho rangatahi o Korowai Manāki, engari e whakapaetia ana he koretake ngā mahi haumaru o roto.

I whāki mai tē tahi kaimahi o mua o Korowai Manāki ki a matou o Te Kaea me te kaitōrangapu, a Darroch Ball, i āwangawanga ia mo ngā mahi i reira. I haria e ia āna whakapae ki ona kaiwhakahaere, engari auare ake te whai hua.

Ki tā Marama Fox, “Me kaua e wareware i te Māori, ngā rōpū me pehea te huarahi tika mō a mātou tamariki.”

E whakapaetia ana i mātakitaki etahi i te kiriata Fifty Shades of Grey i te whare ra, ahakoa he kiriata mā te hunga tekau ma waru heke iho. He take nui ki te kāitorangapū, a Marama Fox.

Hēoi he wero nui tā Ball ki te Minita Whakahiato Ora, a Anne Tolley.

Nā reira tāria te wā e kite ai mēnā ka whai rongoā a Korowai Manaaki, kia anga whakamua ai.