He kirimana tākaro kua waitohua e Pewhairangi ki te kapa Warriors

Api Pewhairangi signs with NRL Warriors

He kotahi tau te roa o te kirimana tākaro kua waitohua e Apirana Pewhairangi ki te kapa Warriors mō te whakataetae NRL ā tērā tau. 

Pūrero mai ai te toki, rua tekau mā rua tau te pakeke nei nō Ngāti Porou, i tētahi tākaro whakamātautau a ngā Warriors mō te whakataetae Ipu New South Wales.

Ka mutu, hei tā te kaiwhakahaere matua o ngā Warriors, a Dean Bell, i kotahi rātou ki te tono atu ki a ia kia hono atu ki te kapa, me te aha, ka whai kirimana.

E whā katoa ngā tākaro NRL a Pewhairangi mā te kapa Eels i te tau rua mano tekau mā toru.