Ehara i te moemoeā, kua tūturuhia te noho a ngā rauemi e hohoro ake nei te here ki te ipurangi.
Horekau he taupoki tō te raraunga ipurangi a “Network for Learning”.
Nā, ko tōna tere kua tekau taima noa atu te tere i ngā rauemi a te kura ō-mua.
Hei tā te Minita Take Mātauranga, tā Hekia Parata, “Ko te tokomaha o ngā kura ka tuku mai o rātou ingoa i roto i te pūkoro me te kī kei te reri mātou mō tēnei.”
Ko te kura taumata tuawhā a Te Kura Tuatahi o Massey te tuatahi ki te uru ki tēnei kaupapa a te Kāwanatanga.
Hei te mutunga o te wāhanga tuatahi a tērā tau he kotahi rau kura ka hono ki a "Network for Learning".
Tēnei rā, kīhai i oti te mahi a te Minita Mātauranga ki Te Kura o Massey, engari i tae atu hoki a ia ki Te Kura Takawaenga o Manurewa.
Ki reira puta i a ia ngā tatauranga hua mātauranga a ngā uri moutere kei ngā kura kōhungahunga tae noa ki ngā kura tuarua.
Hei ta Parata, mā ngā tatauranga nei hei āki i ngā uri moutere me ngā whānau kia kaha ake ngā mahi.
