E toru rā te roa o tēnei akomanga mā Dane Karapu kia tahaki mai i ngā kaimahi o te Tari Ahu Matua.
Hei tā Dane, “He tino hikoi whakamua tēnei mō Ngāti Wai, mō te whai wāhi a ngā iwi hoki. Ka tāea te kōkiri i ngā take taiao, e ai anō ki ngā tikanga.”
I puta te āwangawanga o Ngāti Wai, he aha hoki te take kīhai rawa rātou i whai wāhi ki roto i ngā mahi ārai i te ngaro hua rākau i kitea ai ki roto o Whangarei i tēnei tau.
Kua roa a Ngāti Wai e mahi tahi me ngā tari pērā i Te Mana Rauhī Taiao Te Papa Atawhai me te Tari Ahu Matua i runga i ngā take huhua e pākau ana ki te taiao.
Ka mutu, ko tā te tirohanga a te iwi, he pai kē atu mā te iwi anō tōna taiao e tiaki i te mau mai i a rāwaho he kuare ki tēnei takiwā me ngā tikanga.
