He mātanga hītori toi, he pou iringa kōrero, ko te uri tērā o Ngāpuhi, o Te Aupōuri me Ngāti Kuri, ko Jonathan Ngarimu Mane-Wheoki i moe whakaaio ki te mate i te Pōmere ki muri nei.
I mōhiotia whānuitia ia mōnā i tākoha i ōna mātauranga toi hītori ki āna manomano ākonga i roto i ngā tau toru tekau mā rima i a ia e whakaako ana.
He mātanga pou whakaako a Jonathan Mane-Wheoki i te Kura Toi Elam School of Fine Arts, i tōna matenga i te pākiatanga ōna e te mate pukupuku e rua tau ki muri.
I whakawhiwhia ki a Jonathan te tohu hōnore a te Kuini i tēnei tau anō, he tohu anō i te Whare Taonga whakamaumahara i ngā pakanga o te ao, i ngā wiki tata ake nei.
Ko te tohu ikeike ano tērā i whakawhiwhia ki a ia i te Royal Society mō tōna tākoha ki te matauranga tangata, me tētahi tohu tākutatanga i te Whare Wānanga o Waitaha.
I tipu ake a Jonathan i te Moana a Toi, me Titirangi i Tāmaki Makaurau, i hūnuku ki Ōtautahi i muri ake i te kura, ki te Whare Wānanga o Ōtautahi tīmata mai ai tōna ara mātauranga.
Ka takoto te tūpāpaku ki te marae o Waipapa i te Whare Wānanga o Tāmaki Makaurau mo tetahi pō kotahi a te Pōmere, ka whakahaerehia tētahi poroporoaki hei te ata Rāhoroi i te hāhi o Holy Trinity in Tāmaki Pokapu, kātahi ka heria ki Piki Te Aroha Marae i tōna whenua ūkaipō i Horeke nehu ai.
