He mētara mō te Tīma Nesbitt ki te whakataetae NZ Grapplers

Maumaharatia te ingoa nei, arā, ko te Tīma Nesbitt, he kapa kaiwhawhai wāhine kua whai mētara.

He tokowhā i te kapa nei nō te whānau kotahi, ko Māmā Fiona Nesbitt me āna tamāhine ko Ashley, ko Emma rātou ko Megan.

Nōnatahi rā, tū ai te Whakataetae Kākari o te motu ka mutu, i muia te tauwhāinga nei e te rau tāngata, otira ko te Tīma Nesbitt i waenganui i te marea.

He toa i te ao a Ashley, he waru tau tana pakeke, i eke ia hei toa mētara koura, ko ia anō te toa Kyokushin karate mō te rohe o Waikato me te toa o te motu mō te tau rua mano ngahuru mā whā. 

He iwa tau te pakeke o Emma, i wikitōria a ia i te mētara koura, he tuatahitanga tēnei mōna.

He tekau mā toru tau te pakeke o Megan, i wikitōria a ia i te mētara hiriwa, ko ia te toa kore mau GI mō tēnei tau hoki.

Ka tuku mihi atu te kapa Nesbitt ki te karapu Oliver MMA i manaaki i a rātou.