I te rā nei, whakarite ai Te Rūnanga ā-iwi o Ngāpuhi mō te taenga mai o te iwi nui tonu ki tōna nei whare.
Hei tā tētahi o ngā kaiwhakahaere o te taiopenga, tā Reuben Wharawhara, tērā te tūpono ka hoki mai te nuinga o ngā uri o Rāhiri, he koni atu i te kotahi mano rua ngāhuru mā rima mano te rahi, ki te wā kāinga.
Kua tautokohia te reo rāhiti a Te Rūnanga ā-Iwi o Ngāpuhi e ētahi o ngā tino kaiwaiata o Aotearoa, ā, kāore he kore ka mirimiria ngā taringa o te tini me te mano e ngā reo waitī o tēnei hunga.
Nō reira, kotahi noa iho tā Reuben i mua i te tīmatanga mai o tēnei ahurei nui whakaharahara.
Ka mahuta ake te ahi o tēnei kaupapa hei te ata āpōpō ki te Kāreti o Te Tai Tokerau i Kaikohe, ā, ka kā tonu tae rawa atu ki te pō o te Rātapu, ki reira tineia ai.
