He oranga hou mō ētahi tauira

E whai oranga hou ana ētahi tauira kua taka ki te hē nā tētahi kura ara hou.Kua pā kinotia ngā tauira ki ngā raru maha o te ao, engari hei tā te kaiwhakahaere a Shane Coleman he manahau ana akonga.

He karakia hei timata i te rā mō ngā tauira o 'Marist Learning Centre' ki te Raki Paewhenua. E ai kit e Kaiwhakahaere Matua o Marist Learning Centre a Shane Coleman,  ko te tarutaru me te waipiro tētahi o ngā āhuatanga I pā ki ēnei tamariki, ko te tūkino tangata, ko te mahi whakahāwea me te mea hoki kāore rātou I te hiahia kit e haere ki te kura.

Ahakoa tērā, tokotoru o ngā tauira tokowhā i whiwhi i ā rātou tohu NCEA i tērā tau. Hei tā te kaiwhakahaere hei tā Shane Coleman ko ngā akoranga Māori tētahi hiringa nui. Hei tā Shane, ko te whare tapawhā tētahi o ngā tauira ka whakamahia ki konei, ahakoa he kaupapa hauora, ka whai pānga ki te taha Mātauranga. Te nuinga hoki o a mātou tauira he tauiwi.

Ko tētahi o aua tauira ko Eilish McDowell, tekau mā rima ōna tau. I mea mai a Eilish, he nui ngā tāngata I whakahāwea mai I ahau, engari ko tētahi o aua tamariki whakahāwea he tauira ki konei, engari he hoa tata māua Ināianei.

Ko Jordan Cherrington hoki tētahi o aua tauira, tērā āna wero. Hei tā Jordan ko te whānako, me te mahi whakauru, ā, I piri atu ahau ki ngā tangata kino.

E ai ki a Jordan ko Shane te take kei te eke ia, Mei kore ake a Shane kua kore au e whiwhi I taku NCEA. He miharo rawa tēnei kaupapa, anō nei he whanau tahi tātou.