He pakanga te ia o ngā kōrero i te hui a Te Kotahitanga o ngā hapū o Ngāpuhi i te rā nei mō te waitohutanga o te kawenata tikanga whiriwhiri ki waenganui i te karauna me te rōpu Tūhoronuku.
Nō te Paraire, whakapuakitia ai e te Minita Take Tiriti tēnei whakawhanaketanga o ngā whiriwhiringa hei whakatau i te kerēme raupatu o te iwi nunui o Aotearoa.
E noho tōpu ana te marae o Te Kotahitanga e Te Kotahitanga o ngā hapū o Ngapuhi.
Ki tā Pita Tipene, “Kei roto tonu i te kōti kē ngā hapū me te karauna. He aha kē te take e parau tonu ana rātou i tēnei kaupapa?”
E kōrero pakanga ana nga hapu i te roa o nga kereme engari kahore anō a rātou kōrero kia rongo noa.
E ai ki a Tipene, “Kua tae kē rātou ki tēnei wahanga kua hainatia kē tētahi pūtake kia angamua ai te kaupapa. Kahore kē te karauna me Tūhoronuku e tino ware ana ki ngā iwi o Ngāpuhi.”
He hokinga tēnei mō Te Kotahitanga o ngā hapū o Ngāpuhi ki roto o Ngaāti Tautahi me Ngāti Whakaeke ki te wāhi i rewa ai te kaupapa e ono tau ki muri hei arai atu i ngā akinga a te karauna me tana tautoko mō Tūhoronuku. Taka mai ki tēnei rā e kore e amine atu ai.
Hei tā Tipene, “Ko te kōti tētahi, i te mutunga ki te pōti e kia ngahoro ai tēnei kaupapa. Kei reira anō ngā wāhi ki te haukoti i tēnei kaupapa a te karauna me Tūhoronuku.”
