Ko Niall Williams rāua ko Joe Webber (Whakaahua nā: Mike Lee - KLC fotos mā World Rugby)
Ko te whakarārangitanga mai o ngā puna tākaro mā ngā tāne, mā ngā wāhine hoki i te whakataetae Takiwhitu ki Kirikiriroa kua huraina, ā ki te hapa tētahi, he utu nui te otinga.
Kaare he whiringa whānui i te huihuinga, e rua rā te roa ka tū hei te 25-26 o Kohitātea i Waikato Stadium, nā reira ko te eke panuku i wā rātou puna tākaro me tutuki i ngā kapa e rua. Ko Wērā, ko Kotirangi kei te puna o ngā tāne, engari ko te wero nui ka puta i te kapa USA. Ko ngā wāhine, ka hanga māmā i te tukinga tuatahi ki a Haina, kātahi ka tuki atu ki a Ingarangi, ā ki a Whītī.
Ko ngā toa o ngā puna katoa ka ahu tika atu ki ngā whiringa whāiti hei te rā tuarua. He whakaritenga kia hāngai ki ngā rā e rua o te whakataetae, kaua ki ngā rā e toru i whakamahia i mua, ko ngā tākaro ka tīmata hei te 8:45 i te ata, ka oti hei te 9:30 i te pō.
Ko ngā kapa e rua kua tīmata i tēnei tau tākaro i runga i te angitu, nā Ngā Mamaku Takiwhitu i toa ai ngā whakataetae ki Dubai, ki Cape Town hoki. Ko ngā Ōpango Takiwhitu i eke ki te whiringa toa i Dubai, ka hinga i a Whītī, kātahi ka eke panuku i Cape Town i te mutunga wiki ki muri nei.
Ka noho ko Kirikiriroa te wāhi tuatahi e tākarohia ai ngā wāhine i te taha o ngā tāne i tētahi whakataetae ōkawa o te ao ki Aotearoa.
E ai ki te kaiako takirua o Ngā Mamaku, ki a Allan Bunting: “Last year was a great occasion, but to play in a world series event on home soil for the first time, alongside the men, is something the team has been looking forward to for a long time. It’s going to be incredibly special and we can’t wait.”
Whakaritenga mā Ngā Mamaku Takiwhitu:
NZ ki a China, 11:20 Rāhoroi 25 Kohi
NZ ki a England, 16:58 Rātapu 25 Kohi
NZ ki a Fiji, 10:35 Rātapu 26 Kohi
Whakaritenga mā Ngā Ōpango Takiwhitu:
NZ ki a Wales, 14:31 Rāhoroi 25 Kohi
NZ ki a USA, 20:33 Rāhoroi 25 Kohi
NZ ki a Scotland, 13:41 Rātapu 26 Kohi
