He pānui hara ka tukuna ki te hunga kāinga kore i Ahuriri

He pānui hara ka tukuna ki te hunga kāinga kore i Ahuriri ka moe ai ki ngā taunga pahi.

E whakaaro ake ana te kaunihera ki te whakatū ārai hei aukati atu i te hunga kore kāinga i te pō, engari, ko tā Kevin rāua ko Kiri Swannell nō Limitless Hope, ehara tēnā i te rongoā mō tēnei take. He taunga pahi kua noho hei waahi moe mo te tangata kainga kore, ētahi, he waru tekau ngā tau. Heoi, ki te kaunihera, he hōha nui.

I whakamā ngā tāngata kainga kore ki te kōrero a kāmera mai, engari, kāore i te pai te moe ki waho hei tā ngā Swannell. I ngā tau e toru nei, kua āki rāua i te whakatūhanga o tētahi whare whakaruruhau.

Kāore rātou i te hiahia kia moe te tangata ki roto nei, ā, kei te kaikā kia whakapaipaihia ngā tiriti o Ahuriri, engari, ko te pana i te hunga kainga kore ki wāhi kē ehara kē i te rongoa.