Me mataara ngā kaikōrero waea pūkoro mā ētahi pānui ohotata ka puta ki ngā waea pūkoro huri i te motu ā te Rātapu e tū mai nei.
Ko ēnei pānui he pātuhi mō ngā āhuatanga ohotata, ā, nā ngā ratonga ohotata ngā pānui rā.
Ka hāngai atu ngā pānui ohotata nei ki ngā rohe ka pākia tūkinotia e ngā raru nui o te taiao. Hei tā Te Rākau Whakamarumaru, kāore he pūmanawa tautono, he ratonga ā-tihi rānei hei tikiake. Mēnā e ora ana tō waea pūkoro, e rite ana ki te whiwhi i ngā pānui ohotata, ā, kei te rohe ohotata koe e noho ana, ka whai koe i ngā pānui.
Hei tā Te Rākau Whakamarumaru anō, ko tō haumarutanga te matua, nō reira tē taea e te tangata te karo i ngā pānui nei.
