E ai ki ngā whakapae a tēnei kohine, i te haurangi, i te tāmariki tonu ia i te wā i aitia a ia e tētahi tokotoru nō te roopu e mōhiotia ana, ko ngā Roastbusters.
He roopu ka whakamanamana i a rātou mahi ai i runga ipurangi, ā, ka whakaingoa hoki rātou i ngā kōhine kia patua e te whakamā.
Kua kōrero atu ngā pirihimana ki ngā pārurenga, ā, nōnanahi nei ka uiui anō rātou i ngā taitama o te roopu.
Hei ta ngā pirihimana, kaore ano kia riro i a rātou tētahi tono amuamu mai i ngā patunga, na tera he uaua rawa te whakatau i te take nei.
Ko tā te Pirimia ko John Key, “Ko te whai a te Kāwanatanga kia whakarite ture hei aukati i aua mahi whakaweti nā kona kā tāea e ngā pirihimana te mauhere, te hāmene hoki i aua kaiwhakaweti."
Heoi, e ai ki te Minita Take Ture a Judith Collins, ki te whakamana te pire whakawhiti āhua takakino ā-tihi, ka whai mana ngā patunga ki te whakatakoto amuamu.
Kua whakakorehia atu te pukamata a Roastbuster, a kua whakaturia he whārangi hou e karanga ana kia mauhere i ngā taitama nei.
Ki te tutuki te pire hou ka mauherea te kaihara mō te toru marama, ka eke rānei te whaina ki te rua mano tāra.
A, ka māmā ake mā te patunga ki te tango i ngā mea kino i te ipurangi e whakaiti ana i a rātou.
