He pō mekemeke nui kei te haere mā Cure Kids

He pō mekemeke nui kei te haere ka tuki ana ngā whetu nui o ngā hakinakina whutupōro me te rīki ki Te Whanganui a Tara.

Tekau mā whitu kātoa ngā huihuinga whawhai kua whakaritea e te mātanga kai-mekemeke Māori nei nei, e Asher Derbyshire, ā, ko ia tērā ka tū i te whawhai matua o tētahi pō mekemeke kohikohi pūtea mā Cure Kids e kainamu ana.

I whakaawetia tōna Pāpa e Asher Derbyshire kia puta ki te rīngi, ā kua whaikaha tōna meke i waenga i ngā kaiwhawhai cruiserweight puta noa i te motu.

E ono ngā wikitoria, kotahi noa iho te hinganga i āna mahi ngaio, kei te whanui ake te rongo mō te ingoa o te uri nei o Tūwharetoa ki te ao mekemeke.

Hei āpopo ka tuki ia ki a Scott Taliuli mo te tukinga ngaio, engari kei ngā ngutu kōrero enei kaimekemeke utukore. Mo Lance 'The Hitman King' no te tima Prezzies o Norths, kua ihuoneone rātou i ngā wiki tekau kua hipa.

E ai ki a Asher, kua pai ngā taha e rua, ko te Whutupōrō me te Rīki, a he whakataetae nui whakaharahara kei te haere.

Hei te ono karaka a te po āpopo tuwhera ai ngā tatau ki te Whare Iniana o Kilbrinie i Te Whanganui a Tara.