He pō whai mana i kitea ki te kitenga tuatahi o te pakipūmeka "Ever the Land"

E aro whakamua ana a Tuhoe i ngā tau o te whakataiwhenuatanga a Kāwanatanga.

Kua rewa ake i te taiopenga kiriata ā-ao o Aotearoa te pakipūmeka “Ever the Land’, nā Sarah Grohnert i hanga.

He whakaaturanga e whai ana i a Tūhoe i a ia e anga ki te ara whakamua, i te otinga o tō rātou whare hōu, Te Uru Taumatua, tekau mā rima miriona tāra te utu.   

Ko te aronga nui a te kaitohu a Sarah Grohnert, ko te hopu i tētahi pakipūmeka hanga whare.

Engari neke atu i te toru tau kua hipa, e whai nei ia i te tohunga o Aotearoa a Ivan Mercep, ka tahuri te kiriata ki tētahi kaupapa oranga.

I mau hoki a “Ever the Land” i ngā hīkoitanga a ētahi i roto i ngā hapori maha o Tūhoe, me tō rātou hononga nui ki te whenua.

I pau katoa ngā tīkiti i mua tonu i tōna whakarewatanga, heoi ano ā tēnei Rātū, ka tāea e koutou o Pōneke me Tāmaki Makaurau te mātaki i tēnei kiriata.