He poro haurangi, he whakatutū i whakapōrearea i ngā whakanuitanga mō te tau hōu ki te ahurei BW i Tūranganui-a-Kiwa. Tokowhitu ngā tāngata i tūrorotia ki rō hohipera, e waru tekau mā toru hoki i whara. E ono tekau mā toru hoki ngā tāngata i mauheretia, ā e ai ki ngā pirihimana, he waimarie, karekau tētahi i mate.
He pikitia i hopukia e tētahi o ngā kaimahi o te hui BW, he whiu pounamu, he turaki tīwata te mahi a te tāngata.
Ko ngā waihotanga iho, he mea whakaohorere.
Ko te hari i āu ake waipiro te momo raihana waipiro i te wāhi hopuni BW. Hei tā te Koromatua o Tūranganui a Kiwa a Meng Foon me he take me āta whakaaro anō.
Ko tāna, “Wāku whakaaro katia te raihana BYO, ko te Bring your own, koira te raruraru e mahi ai ēnei raruraru...Ko taku tohutohu ki te tiamana o tenei komiti tuku raihana waipiro katia te raihana BYO.”
Kāore a BW i whakatau mēna ka haere tonu te hui hei ngā tau kei te heke mai. Heoi, mō tēnei wā, ka waiho mā te hau-kainga ngā kino e whakapaipai.
