He kaupapa nui kei muri i tēnei hikoi, ko te tūkino whānau.
Kotahi wahine ki ia takitoru wāhine o Aotearoa ka pākia e te tūkinotanga, he tatau tēnei e ai ki a David Cunliffe me panoni.
“He kino a mātou tatau, kotahi wahine ki ia takitoru waāine o Aotearoa ka pā e te tūkinotanga i a rātou oranga, me whakamā ka tika tātou, me whakatairanga tātou i tēnei take.”
Haere ana mā te tiriti o Lincoln, i hua ake te hīkoi nei whai muri i te raru o ētahi tama o te whārangi pukamata Roast Busters.
Ā, e karanga ana ngā pirihimana o Tāmaki ki ngā parurenga kia tū mai.
Ki a Cunliffe he take tēnei me whai whakaaro ai ngā tāne ki ā rātou e mahi ai.
“Ki ngā tāne mehemea kaore koe e taea ki te pātuki i te riri, kei reira ngā umanga kore utu ki te tautoko i a koe. Mōhio tātou katoa kei reira ngā piki me ngā heke, heoi ehara te tūkino tangata te huarahi tika.”
I tīmata te hīkoi a ēnei kaitaunaki whakahē i te tūkino ā-whānau i te hōhipera o Waitākere, ka haere ake ki Te Kopua, ā, ko te whakatairanga i ngā whānau tūkino-kore te kaupapa.
