He rangahau hou e tautoko ana i te mana o Tūhoronuku hei whakatatū kerēme o Ngāpuhi

He rangahau hou nā Horizon i puta i te rā nei e tautoko ana i te mana o Tūhoronuku hei whakatatū i ō rātou kerēme tiriti.

E whitu tekau ōrau o Ngāpuhi kei te tautoko i te mana o Tūhoronuku hei whakatatū i ō rātou kerēme tiriti.  Koinei te hua o te rangahau hou kua oti i te kamupene o Horizon, ao ake i nga hui a Tūhoronuku me ngā uri o Ngāpuhi puta noa i Aotearoa i te marama kua pahure.

Ko tā te heamana o Tūhoronuku, tā Hone Sadler ko te hua o tēnei rangahau kei te tohu mai he hokinga ki te tēpu whiriwhiri a te karauna ao ake i te kōwhiringa pōti.

"Kua rite matou i tēnei wā kia mutu ai ngā pōti, kia haere atu ki tēhea o te kawanatanga ka tū ā te wiki e tū mai nei ki te whiriwhiri i ngā kaupapa hei whakatatu i ō mātou kerēme mō Ngāpuhi kua roa e taria ake nei," tā Hone.

Kei te akiaki a Tūhoronuku i ngā uri katoa kia pānui i te hohonutanga o ngā kōrero ā tēnā ā tēnā o ngā whānau o Ngāpuhi ki roto i tēnei pūrongo nei.

"E hari katoa ana ahau i te mea ahatia tō mātou whakapae kei reira tonu te tautoko ērangi mā tēnei āhuatanga e tautoko marika ai ka whirinaki te iwi ki ngā mahi a Tūhoronuku mā Tūhoronuku ngā kaupapa ki te karauna e whakatatū," tā Hone.

E rima rau tekau mā rima katoa ngā kaiwhakautu ki tēnei rangahau i ahu mai i te Poari Māori ā-motu o Horizon, i ngā hui a Tūhoronuku me te iwi, me tētahi hononga ā-ipurangi.  Kīhai hoki te hua o tēnei rangahau i rerekē ki ērā o ngā rangahau e toru kua oti ia Horizon Research mō tēnei kaupapa i roto i ngā tau e ono kua pahure.

E mea ana a Hone, "E hari ake ana kia taea ai te tuku atu i ēnei pūrongo whānui tēnei pūrongo whānui ki te iwi whānui kia mōhio ai, ā, kua reri kē a Ngāpuhi ki te kanikanitahi me te karauna me āna kaupapa."

Kīhai a Te Kotahitanga o ngā hapū o Ngāpuhi i watea mai i tēnei rā ki te tuku kōrero mō tēnei rangahau.