He rautaki ā-motu e whakahaerehia ana hei rapu oranga mō te mate kauri

Mai rāno he momo mate ki roto i te whenua engari nō ngā tau tata kātahi ka tīmata tana patu i ngā kauri o te wao.  Nā koinā hoki te aronga o tētahi hui mō ngā rōpū maha puta noa i te motu i ēnei rā okioki e rapu tikanga ana e kite ai he oranga mō te mate kauri.

I te mea kahore anō kia kite noa he rongoā ko te mea nui i tēnei wā tonu he rapu ake i ngā tikanga e mutu ai ngā tāngata me ngā mea katoa e haere mai raro ana ki roto i te ngahere e kawe haere nei i ngā paru me te mate kauri.

He pai noa te nohotahi ki te whiriwhiri mahere engari e mea ana te iwi kāinga me matua whakawhiwhia ki a rātou ngā rauemi e tika ai hei ārahi i ngā mahi i runga i te whenua.

Kua eke noa te wā e kakama ai tātou kei hinga ngā kauri o te waonui a Tāne.