He rautaki hōu te whai hei tūhono i a Te Arawa

updated

Kei te tata mai te wā e whakatatu ai te tono kia whai reo motuhake a Te Arawa ki runga i ngā take whakatau ā-kaunihera nei, engari ka pērā ki te whakaae kia anga whakamua te tono tūhono a Te Arawa.

He whakataunga nui kei te wānangahia ki Rotorua kia whai reo motuhake a Te Arawa ki runga i te kaunihera a rohe o Rotorua.

Ko tā Rotorua Pro-Democracy kei te whakaae rātou ko Te Arawa te Mana Whenua engari kāre rātou e whakaae kia riro ki te Komiti tū o Te Arawa ki te pōti mema ki runga i ngā komiti whāiti o te kaunihera a rohe o Rotorua.

Heoi ano, ko tā te heamana o te Komiti tū o Te Arawa a Arapeta Tahana ko tā rātou mahi e hoki ana ki Te Tiriti o Waitangi me tā rātou hiahia kia noho tahi rātou me te rōpū o Rotorua Pro-Democracy.

Hei tā kōrero a Mita Tahana, “Kia rata mai rātou ki a mātou, kia noho ngātahi mātou, kia āta mārama ai o rātou nawe ki tēnei tūhonotanga, i te mea, ko te mea nui o tēnei tūhonohonotanga kia noho ngātahi ngā iwi katoa e noho mai nei ki roto i te rohe o Rotorua.”

Ka kati ngā tono mo te tono tūhono o Te Arawa hei te tekau mā whitu o tēnei marama.