Kua tere te rautaki e rima tau te roa a te Manatu Hauora mō te hunga mate huka me ērā kāhore e kore ka ngaua e te mate nei.
Hei tā te Perehētini o Diabetes New Zealand, e tautoko ana te perene i te aronga whānui, ā-iwi hoki kia heke iho ngā tatauranga ēngari ehara i te mea, ko te aronga tahi, he rongoā mō te katoa.
He nui noa atu te ngau a te momo mate huka tuarua mō te Māori, ki ētahi atu iwi kē. Nā, ko tā te perene, me aro atu ngā ratonga ki ngā mātāpono o te Whānau Ora, inā ka taea.
He mea hanga tēnei perene i ngā whakaaro o ngā kaimahi hauora, o te hunga tūroro mate huka hoki. Ko ngā wāhanga matua ka aro atu ki te whakapiki ake i ngā ratonga whai kounga, te kite i ngā āhuatanga o te mate moata kia heke ngā āhuatanga mōrearea.
E hiahia hoki ana ngā ratonga hauora ki te aro atu ki ngā hua o te hangarau e kite ana i ngā tūroro e kawe ana i o rātou ake kaupapa hauora, pēnei i ngā ara tūroro e oti nei i a rātou te tuku tono kia kite i te rata, te tuku tono rongo`z, me te tuku karere tōtika atu ki ngā kaimahi hauora.
