He reo Māori ngā akoranga kaukau i Pukekohe

Tumamao Harawira

Kei Te Whare Kaukau a Rēhia o Franklin e whakaakona ana ngā tamariki kōhungahunga ki te kauhoe i roto hoki i te reo Māori.

He akomanga i tīmatahia kia kaha ake ai te reo ki roto i te whare. Nōnanahi nei i tū ai te akoranga tuatahi, me te tūmanako nui kia arohaina te mana o te reo, kaua e te Māori anahe, engari e ngā hapori whānui hoki o te rohe. 

I puāwai ake te whakaaro kia whakahaerehia ngā akoranga kauhoe i te reo Māori, whai muri i ngā whakawhitinga kōrero ki ngā kaimahi, ki te hapori hoki.

Hei tā Hilarie Legg, te kaiwhakahaere o te whare, he kaupapa whakawhānui i te taha pakihi, whakakaha hoki i te taha whai wāhi a te tangata.

"We wanted to integrate more Māori language into our facility.

Akoranga kaukau i roto i te reo Māori

Kua tīmata te whakaako tamariki ki te kaukau i roto i te reo Māori.

"As a community, I think it's essential that we have as much Māori language in our facility as possible. So we decided to do language swimming lessons and we found incredible teachers to take the lessons."

Ko ngā mahi whakaako i te akoranga kua waiho mā Lyndin Mataroa Tonga rāua ko Sandra-Dee Nepia-Te Morunga, he kōhine Māori rāua e whakapono atu ana, ko te ako i te reo Māori i te wā e ako ana ki te kaukau, he taonga.

Hei tā Mataroa Tonga, "He mea pai nā te mea ka ako rātou i te reo Māori i roto i te wai."

Ko Nepia-Te Morunga hoki e whakapono atu ana, mā te whakahaere akoranga i roto i te reo Māori, e puare mai anō ai he tatau nunui hōu ki tēnei whare.  

He aronga matua

"Just being able to expand our reo, in more ways than one. Kids learn doing it, they have to be hands-on. So this is one way for the next generation to pick it up."

Ko Cindy Stewart te kaiwhakahaere kaupapa whakawātea ara whai wāhi mā te katoa ki te whare, ā, hei tāna, ko te āheinga ki te reo Māori, he hua nui whakaharahara mā ngā tamariki e whakaakona ana ki te kaukau. 

"Building the confidence to do so, and having the support in facilities and organisations to do so is awesome. That's what gives our young ones the confidence to be themselves."

'Manawarū ana ki te kite'

Ko Te Kōhanga Reo o Ngā Hau e Whā i Pukekohe te ope tamariki tuatahi i whai wāhi atu ki tēnei akoranga.

Nā Whāea Nikita Naea ngā tamariki o te kōhanga reo i heri atu i te mea he wāhi anō tēnei e āhei ai āna tamariki ki te kōrero i roto i te reo.  

"I tēnei wāhanga o Tāmaki, torutoru noa iho ngā kaikōrero Māori, ngā kaupapa Māori. Nō reira mīharo katoa, kua whakatū rātou i tēnei kaupapa. He kaupapa reo Māori, ehara ki te marae, engari ki te puna kaukau."