He taiapa anō kei mua i a Tūhoronuku

Kei te pāpōuri te Minita Take Tiriti a Chris Finlayson ki te whakahau a te Rōpū Whakamana i te Tiriti o Waitangi, kia wawe te whakawā i ngā whakahaere a te Karauna i riro ai te mana whakatatū i ngā kerēme o Ngāpuhi ki te rōpū Tūhoronuku.

E mea ana a Tūhoronuku, ko te whakahau a te Taraipiunara o Waitangi he taiapa anō hei peketanga mā rātou i te haerengaroa ki te tēpu whiriwhiri a te Karauna.

Hei tā te Heamana o Tūhoronuku, “Kua peke kē mātou i ngā peke teitei katoa i tukuna e te iwi ki mua ia tātou me ngā hapū.  Nā tēnei wā kua hanga anō te Taraipiunara i tētahi anō peke hei pekenga ma mātou.”

E mea ana te Minita, kua tatu kē ngā pakanganui o te ao i roto i ngā rima tau o ngā whakahaere o Tūhoronuku.

E kore te whakahau a te Taraipiunara e mutu i ngā whakahaere o Tūhoronuku, i tēnei wā e rapu ana i ngā tangata tōtika hei whiriwhiri i te whakataunga kerēme o Ngāpuhi. 

Na, ko te mea nui hei tā te Minita, mā te ara kua whakaritea e rātou hei whakatatū i ngā kerēme o Ngāpuhi ka whiwhi rātou i ngā painga o ngā ao e rua,

Hei tā Sonny Tau, “Ka nui tēnei kua roa kē ta mātou haerenga kia huri hoki whakamuri.  Koia mātou e mea nei ka tirohia e mātou ngā kōrero nei ka tirohia ka pēhea mātou whakararata ai ngā hunga e whakaputa ana i ēnei kōrero."

Heoi he take anō tēnei hei aronga mā te iwi i ngā rā tata ki te kōwhiringa pōti.