Kua whakakorehia ngā turanga tarahiti o ngā tokowha a Stephen Henare, Darryn Henare, Margaret Dixon rātou ko Stephanie Henare i te whenua ngahere o Pārengarenga 3G.
E ai ki ngā pepa kua tukuna ki te kōti, neke atu i te $600,000 kua riro i ngā tokowhā, ā, kahore hoki e mōhio ana i ahatia tētahi atu whā rau mano taara.
Ināianei, horekau he moni o te iwi whai pānga hei utu i te nama $90,000 te kamupene whakahaere i te whenua ngahere o Pārengarenga 3G hei utu ranei i te inihua me ngā whakahaere mō ngā tekau mā rima tau ki te hauhaketanga o ngā paina.
He whenua kua roa nei i raro i ngā whakahaere o te Māori Trustee e karangatia ana i ēnei rā, ko Te Tumu Paeroa. Ka mutu, kahore anō kia puta he kōrero i ngā roia mō te whenua mehemea ka kawea tēnei take ki te Kōti Teitei.
Hei te Tīhema ka hoki anō tēnei take ki mua i te Kōti Whenua Māori.
