He tau nui kei mua i te aroaro o te kāpene o te kapa Ōpango Māori i a Charlie Ngatai. Timata ai ngā mahi āpōpō i te tukinga tōmua tuatahi a te kapa Chiefs ki te tira Waratahs, ā, e hikaka ana a Charlie kia hoki anō ki te mura o te ahi.
Ahakoa te kaha o ngā whakaharatau, e kore rawa e orite ki te tukinga tūturu nei.
Whai muri i tērā tau miharo ōna, arā, tana tākaro tuatahi i te kapa Ōpango ki te kapa o Hamoa me tana ārahi i te kapa Ōpango Māori i Whīti, i whai whakatā ia. Nā, kua rite ia mō tēnei tau tākaro nui ki te tira Chiefs.
E pērā ana te aroha mō te hākinakina puta noa i te rohe o te kapa Chiefs, ā, kātahi anō rātou ka hoki mai i tā rātou haerenga ā-tau i tō rātou rohe.
Hei āpōpō ko te whakamātautau tuatahi ki te tira Waratahs ki Rotorua.
