Nā ngā uri o Te Arawa waka te karanga o te tinana ora i whakautu i ēnei rangi whakamutunga, i te himatanga mai o ngā hākinakina o Te Arawa i tū ki Rotorua.
Hei tā Dean James, “He pai ki te kite i ngā whānau katoa mai Maketu ki Tongariro pea, um ki te hara mai ki te hapai i te kaupapa o te rā, o te wiki nē.”
Tekau mā rua ngā tima kua rēhita ko te Ki o rahi me te waka ama ngā hākinakina i te rā nei.
Hei tā Cathy Dewes, “Te tikanga ia ko tana kaupapa ko te whakawhanaunga, ko te karanga ki ngā iwi katoa o Te Arawa waka, kia takaro tahi ai, matou i ngā kēmu o te wā nei, ana, kei te whakahouhia hoki etahi o ngā kēmu o ngā rā o mua pēra i te Ki o rahi.”
Ko tōna tino whainga kia whakarauika mai ngā uri e whai pānga ana ki a Tamatekapua ki raro i te maru o te hākinakina.
Neke atu i te kotahi mano ngā tāngata kua tae mai ki tēnei kaupapa ko te wawata mo tērā tau kia nui, kia rea te kaupapa.
