He tekau ma rua miriona kua tohaina ki ngā Reo Irirangi Māori

Wikitōria Day

He whakapuakitanga pai ma te teina rawakore o te ao Pāpāho Māori tēra i huraina i te rangi nei.  Arā he tekau ma rua miriona tāra i roto i ngā tau e wha, te pikinga pūtea ki ngā reo irirangi ā iwi. Kua koni atu i te rima tau e noho ōrite ana te pūtea whakahaere i ngā reo Irirangi ā Iwi Maori, na whai e hīkaka ana ratau ki tenei whakahau.

Koia te rauemi kotahi, e āhei ai te kaiwhakarongo, te whakapā atu ki tōna hapori, tōna iwi ano hoki, ahakoa ki hea haere ia i te whenua nei, i te ao, ko ngā reo Irirangi Māori ēna e whakapaaho atu ana.

E ai ki te heamana o te Whakaruruhau o Ngā reo Irirangi Māori a Willie Jackson, ka ōrite te wawāhitanga o ngā pūtea hōu ki tēna, ki tēna o ngā reo Irirangi Māori rua tekau ma tahi huri noa i te motu.

Hei āpiti atu, He kotahi ira rima miriona tāra te tohanga pūtea ka whakawāteahia i tenei tahua, ma Te Mangai Paho, hei kohikohi katoa i ngā korero onamata, ngā uiui whai take o mohoa, hei rauemi kotahi, mā te katoa.