He Tīmatanga Pai tā te Rōpū Reipa

Whero katoa ana te papa i ngā taringa areare ki te kauhau a David Cunliffe, ā, tūturu i a Reipa e hiakai ana ki te wikitōria, he hua nui i hōrapa ki te tēpu.  

I raro i te kaupapa, Tīmatanga Pai, a Reipa:

Mō ngā whānau whiwhi pūtea ā-tau i raro i te kotahi rau rima tekau mano tāra, ka tukuna ki a rātou he ono tekau tāra ia wiki mō te tau tuatahi o te pēpi, ā, mō ētahi whānau ka haere tonu tae rawa ki te toru tau te pakeke.  

Āpiti atu, ka piki ngā haora kore utu whare kōhungahunga mai i te rua tekau ki te rua tekau mā rima.

Ā, ka piki hoki te roa o te tohanga o te pūtea mātua whakawhānau pēpi, mai i te toru marama ki te ono marama.

E ai ki a Anton Blank, tumu whakarae o Mana Ririki, he kaupapa pai.

Heoi, inā te nui o ngā oati, arā hoki te utu nui ki te whakatutuki.  

Otirā e kore ēnei kaupapa e kōkiritia kia eke rā anō te tau rua mano tekau mā ono.