He tīmatanga toa mā te kapa Rarauwhe Hiriwa i te Oceania Tri Series

Silver Ferns New Zealand

He tīmatanga toa mā te kapa Rarauwhe Hiriwa i te tau hōu, whai muri tā rātou wikitōria i runga ake i a Whītī ki te tauwhainga Oceania Tri Series, he waru tekau mā tahi ki te rua tekau mā waru i te otinga ake.

Koinei hoki te tukinga tuatahi a Maria Tutaia, whai muri tana wharanga ki ngā Taumāhekeheke Hoa Whenua o te Ao i tērā tau, he tohu pai mā te kapa e whakareri ana mō te whakataetae Poitarawhiti o te Ao ka tū i tēnei tau.

Ko te hokinga mai a Maria Tutaia ki ngā tukinga ā-ao te mea whakahirahira i te wikitōria a te kapa Rarauhe Hiriwa, waru tekau mā tahi piro, ki te rua tekau mā waru, ki a Whīti i Suva inapō.

Ko taua autaia tonu rā i kitea i te toa tuki uhanga, ahakoa tāna whakatā i tīmata ake i te marama o Hereturikōkā.

Whakaaweawe ana a Aotearoa i ngā hautoru katoa o te kōti, i runga ake i te hoariri, kei te tūranga tuawhitu o te ao e tū ana.

Nā te aroaro ā-kapa hōu o Kayla Cullen, Millie Lees rātou ko Ellen Halpenny i puta ai te ihu i te wehenga rua, toru tekau mā ono ki te tekau mā iwa ngā tatau.

I te haurua tuarua ka huri te kapa, ka eke a Tutaia, rere ake ai āna piro i tawhiti me tata, kia wikitōria ai mā ngā piro rima tekau mā toru.

Wai ka hua, wai ka tohu i te rārangi kapa a Waimarama Taumaunu hei te tukinga i te pō nei ki a Hāmoa.