He toa o te aō Karate e whai ana i tōna moemoea

Mō te katoa o tona oranga e whakangungu ana, e whakarite hoki ana a Jacqueline, kia eke ia ki te taumata o Nidan, mō tēnei tonamana whakahirahira rawa ki aia.

Na te nui o ana mahi i te kura tuarua, tē tāea e ia te hāere atu ki tōna whakataetae o te ao tuatahi ki Hapani, nō reira, he whakatutukinga hiranga rawa ki aia te whai waahi atu ki taua whakataetae mō te wā tuarua.

Ko tā jacqueline, “Koinei te wā tuarua kua whai wāhi au ki tēnei tauwhāinga mo te ipu o te aō na reira he honore nui tēnei mōku." 

Ka tae mai ngā matakikoha whawhai o te ao ki tēnei whakataetae, he papa mā Jacqueline ki te whakamatautau i ōna pūkenga ki ētahi o ngā kaiwhawhai taiea o te ao.

Huhua ana ngā tohu kua riro i aia, e ngakaunui hoki ana tona whānau ki tēnei hākinakina, nō reira, nā te mātauranga kua riro i aia, ka tū pakari tēnei wāhine toa ki te atamira o te ao.