Kua rima tau tētahi tokorua tungāne tuāhine nō Ngāpuhi e ako ana i te Muay Thai, ā, ināianei e takatū tahi ana rāua ki te whakataetae IFMA Muay Thai ā-ao ka tū ki te papatipu o tō rāua hākinakina ki Thailand.
Kei pōhēhē koe ki tāu e kitea ai.
He tokorua Māori e takatū ana ki te whakataetae IFMA Muay Thai a-ao ka tū a tērā marama ki Bangkok.
Kei te whawhai a Te-Huia he 18 tau te pakeke i te reanga 63kg, ā, ko tōna tungāne he 16 tau ka whawhai ki te reanga 60kg.
Pēnei i ngā tungāne, tuāhine, he Māori noa ki a rāua te whawhai, a kua whai hua ai a rāua whawhai i ngā tau kua hori i tēnei hākinakina ngāio.
Heoi kei te ora tonu te wairua whakataetae i waenganui i a rāua, i ui atu te pātai ki a rāua, ko wai te kaiwhawhai toa, kāore rāua mō te tuohu noa.
Kei te tārewa tonu te whakatau, heoi hei te rua wiki kitea ai te toa a te wā ka puta rāua ki te atamira ā-ao.
