He tono tā Ngāti Hine kia whakatūria he whakawātanga mō te mana kōkiri a Tūhoronuku

E koke whakamua ana a Tūhoronuku i a rātou mahi whakatau i te kereme o Waitangi me ā rātou pōtihanga hei waihanga i tā rātou kōmiti Tūhoronuku.

Ko te rahinga ake o ngā māngai ā-hapu tētahi o ngā whakangohetanga i ngā kōrerorero ki waenga i a rātou, te Karauna me te Kotahitanga, nā reira ka hanga pēnei ai te kōmiti hōu;

  • Tokotoru ngā kaikōrero hapū mai i ngā rohe e rima,
  • Kotahi te kaumatua, kotahi hoki te kuia nō Ngapuhi,
  • Tokowhā ngā māngai noho tāone nō Tāmaki ki te Uru, Tāmaki ki te tonga, Te Whanganui-a-Tara me Te Waipounamu.

E kaha whakahē tonu ana a Ngāti Hine i a Tūhoronuku te mana mō ngā mahi whakatau kereme tiriti o Waitangi, engari anei kē te whakautu a te heamana o Tūhoronuku;

"E aroha atu ana mātou engari e hanga rikarika ki ngā kaiwhakhaere e ārahi ana rātou ki roto i te koraha."

Hei te mutunga o ngā pōtihanga, ka huri te aro ki te rapu i ngā kaiwhakarite me te whāinga kia uru atu ki ngā mahi whakawhiti kōrero ki te karauna hei te tau hōu.