E rua noa iho ngā rā e toe ana i mua i te tukinga tuatahi rawa a te kapa haupoi retireti Māori. I kōrero atu a Te Kāea ki tētahi kaitākaro i tana whakangungu, nānā te kākano i whakatō kia wana ake te tukinga a te kapa nei ki te kapa whetū o Aotearoa.
Hei te Rāapa puta tuatahi ai te kapa Māori ki te tarawaha o te haupoi retireti. Nā Lewis Taiapa tahi me ngā ringa āwhina o ōna hoa tākaro me te ohu haupoi retireti o Aotearoa te tukinga nei i hua ai.
E rere ana te kōrero, i te tukinga nei ka kitea ngā pūmana nui katoa o Aotearoa i te kēmu kotahi. He taonga puiaki anō hoki ngā pūeru, nā Horace Taiapa he uri nō Pine Taiapa i whakahoahoa.
Ka tīmata te tukinga hei haurua i te tahi hei te Rāapa, ki te taiwhanga HIHC, i Kirikiriroa.
