He tūkino ki te papu i Poroti

updated
Graffiti at water pump in Poroti owned by New Zealand Spring Water Ltd

Kei ngā puna o Poroti tētahi papu nā te kamupene o New Zealand Spring Water limited, ā, nō ināpō tonu ka tūkinotia. Ā, ko ngā kupu whakaweti i te tangata ērā kua tāngia ki ngā pātu o ōnā whare.

Ko New Zealand Spring Water Limited tētahi kamupene whakahaere i ngā wai o Poroti, ā, e mōhio ana rātou ki ngā mahi tūkino, e iriiri ana ki ō rātou whare.

Engari, horekau mō te whakaputa kōrero ki te take

Hei tā tētahi kaitiaki mō Whatitiri Māori Reserve Trust, a Meryl Taimania Carter, "Ahakoa kahore mātou te tarahiti i whakaae i tērā mahi, e mārama ana mātou e tino hōha ana te hapū nā te roanga o te take nei."

Koira te whakatau a Te Tarahiti o te Whatitiri Māori Reserve e kite nei i te nui o te riri ki ngā puna o Poroti.

He rua tau ki muri ka puta te whakatau a Te Kōti Taiao kia whai wāhi atu Te Kaunihera o Whangarei, Te Kamupene Wai o Maungatapere me Zodiac Holdings ki te kohi i te rua tekau mano mita pūtoru wai i te rā kotahi, mō te toru tekau mā rima tau. 

He whakatau e kaha whakahētia ana e Te Uriroroi, Te Parawha me Te Mahurehure ki Te Whatitiri, ngā mana whenua kua roa e tautohe ana i te rangatiratanga me te kaitiakitanga o ēnā waipuna.

Tā ngā pirihimana o Whangarei, kahore anō kia whai wāhi atu ki tētahi tono amuamu ki te take.

Tā Meryl Carter, kahore anō Te Tarahiti o Te Whatitiri Māori Reserve kia whai wāhi ki te kōrero ki tēnei take, engari e anga atu ana rātou ki tētahi hui-a-hapu ka tū a te rua tekau mā toru o tēnei marama.