He tūranga i te kapa Junior Tall Blacks te whai a ngā kaitākaro U20

Rahia Timutimu

Kua whakapeto ngoi ngā kaitākaro 22 kei raro i te tau rua tekau, ki te whakaatu atu ō rātou pūkenga kia whai tūranga ai ki te kapa Tall Blacks.

Ko te kaitākaro Tall Blacks o mua, a Pero Cameron te kaiako. Hei tāna he nui ngā momo kei konei, ā, he uaua te whakawhāiti i te kapa.

He kapa whakahirahira tēnei, kua tae mai ngā kōwhiringa nei i wī me wā o te Tāhimana.

Ko Jamal Talo tētahi, e noho ana i Poipiripi.  E hiahia ana ia ki te whakakanohi i a Aotearoa.

"He mea nui kia whai wāhi ki te taha o ngā kaitākaro pēnei, he hōnore nui mōku."

E whakangungu ana a Jamal, tōna tuakana hoki a Latrel mo te kura poitūkohu o Andrew Bogut, ā, kua hoki mai rāua ki te wā kainga i ēnei wiki ki te ako ki ētahi pukenga hou.

Hei tā Jamal, “Ko te tūmanako ka ea katoa aku wawata ki te tākaro ki te taha o ēnei pūkenga poitūkohu."

Ehara tēnei i te wā tuatahi kua pōhiritia te tokorua nei. I te marama o Mahuru i whakangūngū tahi raua me te kapa Breakers mo ngā wiki e toru

Hei te wiki nei whakaingoatia ai te kapa tekau.