Nā te Toihau o Te Manatū Hauora, nā Dr Ashley Bloomfield te whakatau, he tangata tuarua i Aotearoa kua pākia e te mate Covid-19.
He wahine i ōna tau 30 ia inā noa nei ka hoki mai i te raki o Itāria kua pākia.
Hei tā Dr Bloomfield, i tēnei wā kei te noho taratahi te wahine i tōna kāinga i raro hoki i ngā manaakitanga a ngā mana hauora.
E ai ki ngā mana, kaare he take kia noho hohipera ia i tēnei wā.
He tohu o te mate kei te kitea i te tāne o te wahine, ā koia hoki kei te whakamātautauhia.
Inapō rā ka tīmata ngā mana hauora tūmatanui ki te kimi haere i te hunga kua kātata atu ki te wahine, kia tika ai ngā āhuatanga whakamarumaru i te tangata.
Ko te waka rererangi i whakahokia mai ai te wahine ki Aotearoa, ko te NZ283 i rere atu i Singapore ki Tāmaki i te 25 o Hui Tanguru.
I Aotearoa nei, i rere hoki ia i Tāmaki ki Te Papaioea i runga i te waka NZ5103 i te 2 o Poutūterangi, ka hoki ki Tāmaki i runga i te waka NZ8114 i taua rangi tonu.
Kua mana i a Air New Zealand, he pāhihi ia i āna rerenga, ā kei te mahi rātou ki te whakapā atu ki ngā kiritaki i eke hoki ki aua rerenga.
“We are working closely with the Ministry of Health to identify and proactively contact customers from these flights. This includes utilising our own Contact Centre staff. The health and safety of passengers and crew is Air New Zealand's top priority and our aircraft already undergo a thorough cleaning process, which includes cleaning surfaces such as tray tables and inflight entertainment screens with a disinfectant that kills viruses,” te kōrero a te Āpiha Hauora Matua o Air New Zealand, a Dr Ben Johnston.
Me he pāhihi i runga i aua rerenga e āwangawanga ana, e kimi whakamārama ana rānei, me waea atu ki te nama a Healthline 0800 358 5453.
Tuia atu, kei te tirohia ngā tari o te ora e rua kua torona e te wahine ki te kite mēnā kua pākia he kaimahi, he tangata atu anō rānei i aua ratonga.
Hei tā ngā kōrero a Dr Bloomfield, ka āta toro atu, ka āta whakapā atu anō hoki i raro i ngā tikanga e tika ana.
E rua ngā kura tuarua kua whakamōhiotia, he mema whānau o te wahine kua pākia i haere ki aua kura, areā ki Westlake Boys, ki Westlake Girls amō hoki.
Kaare he tohu o te mate i te kitea i ngā mema whānau e haere ana ki aua kura, ā kei te noho tratahi ki te kāinga. Kīhae rāua i haere ki Itāria, ā kei te ora, kei te ata tiakina hoki rāua.
Ko Te Tāhuhu o te Mātauranga rātou ko Te Manatū Hauora kei te mahi tahi kia tika ai te awhi, te tautoko hoki i ngā kura.
Hei tā Dr Bloomfield, “I want to say that this is a Kiwi family that has been affected by a virus that is part of a worldwide outbreak. What they need is support and understanding. Our task is to ensure they have all the support and health care they need.”
