Koinei tētahi tauira o te tūāwhiorangi 4G.
Ko te ita, he ara whirimaha e tere rawa atu ai te tuku me te hopu kōrero, tae rawa hoki ki ngā kiriata.
He taonga i raro i te Tiriti o Waitangi, e ai ki te Rōpū Whakamana.
Engari tē aro i te Kāwanatanga. Nā whai anō, e ai ki te Minita Take Māori, mā te ture noa pea e āki.
Pita Sharples believes, “Kei te kōrero ētahi o ēnei rōpū te haere ki te kōti engari kua pau, kua pau te ara tūātea ki ēnei kamupene e toru.”
Inā tata nei kōkiritia te kaupapa hoko tūāwhiorangi 4G a te Kāwanatanga.
Ko ētahi wāhanga i hokona e Vodafone rāua ko Telecom mō te $66 miriona ia kamupene, āpiti atu he $44 miriona te wāhanga ki a 2degrees.
Ko te toenga e ai ki te Kāwanatanga ka hokona ki te mākete.
Hei tā Sharples, “I te whawhai mātou me ngā rōpū o te iwi Māori mō tērā 4G engari i tēnei wā kāre i riro ki a tātou tētahi o tērā.”
Tūturu e ai ki te mema paremata Māori, te Minita Mātauranga a Hekia Parata, he whawhai nui noa atu hei aro mā te Māori i tērā o te kawe i tēnei take ki rō kōti.
Ko tā Hone Harawira, “Tērā te huarahi ki te ao whānui tērā te huarahi ki te mōhioranga o te ao mēna e ū ana mā te Kāwanatanga hei hoko atu ki ōna hoa whai rawa kei hea te Māori i tērā ao?”
